মুখ্য পৃষ্ঠা
06/04/2517:51
•অলিখিত কথাবোৰ•
উশাহ বোৰ সৰীসৃপ হৈ বুকুৰ চুকে কোনে বাগৰে
মৃত হৃদয়ৰ গোন্ধত পচি যোৱা উগাৰ এটা নিগৰে |
কাঠফুলাৰ দৰে গজে দুখ
সেউজীয়া ভেঁকুৰ বোৰ ক্ৰমশঃ নীলা হয় ,
সাগৰৰ দৰেই....
সপোনে নাজানে দুখৰ ঠিকনা
নুবুজে ভালপোৱাৰ সংজ্ঞা |
নীলা বোৰ দুখৰ প্ৰতীক ,
আকাশ কিম্বা সাগৰ |
কোনে জানে
নীলা বোৰ কিমান দুখত আছে ?
সুখ বোৰ কলিজাই চুব নোৱাৰে
সমাজেও নাজানে ,
মোৰ মৃত্যুয়ে সমাজক বিচলিত নকৰে |
● ৰাজু কলিতা
15/01/15
